ŞÜKÜRLƏR DESİN
Tək Allahın quluyuq,
Müsəlmanıq, doğruyuq,
Muhammedin yoluyuq,
Qəlb eşq ilə döyünsün,
Allaha şükür desin!

Din sənə tanrı payı,
Savabın yoxdur sayı,
Gəlsin orucluq ayı,
Bəndə dua eyləsin,
Allaha şükür desin!

Savabın olar saysız,
Dil olmasın duasız,
Ömür gedir zamansız,
Hamı savab iş görsün,
Allaha şükür desin!

Qurana edin səcdə,
Mənası saysız həcdə,
İlahi gətir vəcdə,
Ümmətlərin sevinsin,
Allaha şükür desin!

Şəhlanın var niyyəti,
Olsun həccə qisməti,
Dinnən olur söhbəti,
Həci xanım tək gəlsin,
Allaha şükür desin!

Şəhla Xəlilqızı.