Kabildə terror aktları nəticəsində 12 ABŞ hərbi qulluqçusu həlak olub, daha 15-i yaralanıb.

Turaztv.az AZƏRTAC-a istinadən xəbər verir ki, bu barədə ABŞ silahlı qüvvələrinin mərkəzi komandanlığının rəhbəri general Kenned Makkenzi çərşənbə axşamı günü Pentaqonda jurnalistlər üçün brifinqdə məlumat verib. O deyib ki, Kabil aeroportu yaxınlığında baş verən birinci partlayışdan sonra İŞİD silahlıları dinc sakinlərə və hərbi qulluqçulara atəş açıblar.

“Hücum nəticəsində bizim 12 hərbi qulluqçumuz həlak olub, daha 15 hərbi qulluqçu isə yaralanıb”, - deyə general bildirib. Onun sözlərinə görə hücum nəticəsində bir neçə əfqan vətəndaşı öldürülüb və yaralanıb.

General qeyd edib ki, biz hazırda itkiləri hesablayırıq. Onların ümumi sayı barədə dəqiq məlumata malik deyilik.