Tamam Cəfərova
Milli Məclisin deputatı


Nüydü kəndində sakinlərin müraciətləri əsasən yol infrastrukturunun yenidən qurulması və su təminatı, Çarhan kəndində su sayğaclarının quraşdırılması, Sabirli kəndində isə su təminatı ilə bağlı mövcud problemlərlə əlaqədar oldu.
Qəbul zamanı vətəndaşlarımızın hər bir müraciətini diqqətlə dinləyərək qeydiyyata aldıq. Qaldırılan məsələlərin bir qismi ilə bağlı vətəndaşlara yerindəcə müvafiq hüquqi izahatlar verildi. Əlavə araşdırma tələb edən məsələlərin həlli ilə bağlı isə aidiyyəti dövlət qurumları qarşısında müvafiq tədbirlərin görülməsi üçün məsələ qaldırılacağı bildirildi.
Seçicilərlə mütəmadi görüşlərin keçirilməsi, onların müraciətlərinin dinlənilməsi və qaldırdıqları problemlərin həlli istiqamətində ardıcıl fəaliyyət bundan sonra da davam etdiriləcək.
Hər bir vətəndaşın müraciətinə həssaslıqla yanaşmaq, onların hüquq və mənafelərinin qorunmasına dəstək göstərmək deputat fəaliyyətimizin əsas istiqamətlərindəndir. Vətəndaş məmnuniyyətinin təmin olunması istiqamətində üzərimizə düşən vəzifələri bundan sonra da məsuliyyətlə yerinə yetirəcəyik.