Azərbaycanın zəngin ədəbi və mədəni mühitində formalaşan Rəşad Məcid gənc yaşlarından söz sənətinə, ədəbiyyata və jurnalistikaya böyük maraq göstərmişdir. Onun yaradıcılıq yolu yalnız qəzet səhifələri ilə məhdudlaşmamış, həm də milli düşüncənin, azərbaycançılıq ideologiyasının və müasir ictimai fikrin inkişafına mühüm töhfələr vermişdir.Uzun illərdir rəhbərlik etdiyi “525-ci qəzet” Azərbaycan mediasının ən nüfuzlu nəşrlərindən biri kimi tanınır. Bu qəzet təkcə xəbər məkanı deyil, həm də milli düşüncənin, ədəbi fikrin və ziyalı sözünün tribunası olmuşdur. Rəşad Məcidin rəhbərliyi ilə qəzet ölkənin ictimai-siyasi və mədəni həyatında özünəməxsus yer qazanmışdır.
Azərbaycan Yazıçılar Birliyi sədrinin müavini kimi fəaliyyət göstərən Rəşad Məcid ölkənin ədəbi mühitinin inkişafında, yeni qələm sahiblərinin üzə çıxarılmasında və milli ədəbiyyatın təbliğində mühüm xidmətlər göstərmişdir. Onun təşəbbüsləri və fəaliyyəti nəticəsində bir çox gənc yazarlar oxuculara təqdim olunmuş, Azərbaycan söz sənətinin yeni nəfəsi formalaşmışdır.
2022-ci ildən Azərbaycan Mətbuat Şurasının sədri kimi fəaliyyət göstərən Rəşad Məcid milli mətbuatın peşəkarlığının artırılması, jurnalist etikasının qorunması və media mühitinin sağlam inkişafı istiqamətində mühüm işlər həyata keçirmişdir. O, daim mətbuatın cəmiyyət qarşısında məsuliyyətini ön plana çəkərək söz azadlığı ilə peşə məsuliyyətinin vəhdətini təbliğ etmişdir.
Azərbaycan Respublikasının Prezidenti yanında Əfv Məsələləri Komissiyasının üzvü kimi fəaliyyəti də onun dövlətçilik prinsiplərinə, humanizm ideyalarına və ictimai məsuliyyət hissinə sadiqliyinin göstəricisidir. Bu fəaliyyət sahəsində də o, cəmiyyətin etimadını qazanan ziyalı mövqeyi nümayiş etdirmişdir.
Rəşad Məcidin həyat yolu Azərbaycan ziyalısının məsuliyyətli missiyasını özündə əks etdirir. O, həm yazıçı, həm jurnalist, həm də ictimai xadim kimi milli dəyərlərin qorunmasına, dövlətçilik ənənələrinin möhkəmlənməsinə və Azərbaycan həqiqətlərinin dünyaya çatdırılmasına xidmət edən şəxsiyyətlər sırasındadır.
Bu gün Rəşad Məcidin fəaliyyəti minlərlə jurnalist və gənc yazar üçün nümunədir. Onun qələmi sözə məsuliyyətin, vətəndaş mövqeyinin və milli təəssübkeşliyin simvolu kimi dəyərləndirilir. Azərbaycan mətbuatının və ədəbiyyatının inkişafında göstərdiyi xidmətlər onun adını müasir dövrün tanınmış ziyalıları sırasında xüsusi yerə yüksəltmişdir.

Hörmətli Rəşad müəllim!
Sizi doğum gününüz münasibətilə səmimi qəlbdən təbrik edir, möhkəm cansağlığı, uzun ömür, yeni yaradıcılıq uğurları və fəaliyyətinizdə davamlı nailiyyətlər arzulayırıq. Qələminiz daim iti, sözünüz təsirli, yolunuz açıq olsun. Azərbaycan mətbuatına, ədəbiyyatına və milli-mənəvi dəyərlərimizin yaşadılmasına xidmət edən şərəfli fəaliyyətiniz bundan sonra da yeni uğurlarla davam etsin.
Doğum gününüz mübarək olsun!

Pərvanə Salmanqızı Abdullayeva,
Qazeteçi,şair,araşdırmaçı yazar, AJB üzvü,zefernews.az saytının rəhbəri, "Zəfər Yolu" ictimai birliyinin sədri,Dünya Afşarlar Dərnəyinin Azərbaycan Təmsilçisi.Türkiyənin Anasan Yazarlar Birliyinin,Daqistan Respublikası Ədəbiyyatçılar Birliyinin,Azərbaycan Təmsilçisi,Turan Yazarlar Birliyinin üzvü.