Xəbərlər
17.08.2026, 22:57
SEVİNC YUNUSLU : Yenə dua elədim, zərrə peşman olmadım.. - FOTO
Alışdım ürəyimdə, ocağın yansın deyə.
Ağladım göz yaşlarım qəbrinə damsın deyə
Həmin adamsan deyə zərrə peşman olmadım..
Susdurmadın bircə yol, nə dedilər inandın.
Məni tanımadınmı sınatdıqca sınatdın.
Qəbir qazdılar mənə torpağımı sən atdın-
Göz yaşıma qarışdı, sənə düşman olmadım..
Bütün gedənlər üçün ağlayanlar kiridi.
Mənim yazıq əllərim hər gün kədər kürüdü.
Üstümüzə ordu yox, bir dəstə it yürüdü
Bizi qorumaq üçün niyə YAŞMAn olmadı?..
Rahatlığım yox idi , sən də bir az qocaltdın.
Yeddi təpə şəhəri Moxaçacan uzatdım.
Qınamıram, Süleyman, taxtına mən ucaltdım
Dağ adlayıb, daş keçib, dərə aşman olmadı..
Min dəfə demədimmi ipək-ipək sar məni.
Mən elə mələyəm ki, sıxar bu hasar məni.
Sən öpsən yaşayarsan, div öpsə qusar məni
Neyləyək ki, mənimçün heç savaşman olmadı..
Alışdım ürəyimdə, ocağın yansın deyə..
Ağladım göz yaşlarım qəlbinə damsın deyə..
Səninlə sevişdiyim gecə uzansın deyə
Yenə dua elədim, zərrə peşman olmadım..
Son xəbərlər
Ən çox oxunanlar
- Bu gün
- Bu həftə
- Bu ay
