İraqın Baş naziri Əli əl-Zeydi həftənin sonunda İrana səfər edəcək.

"Unikal" xəbər verir ki, bu barədə İraq Xarici İşlər Nazirliyi INA agentliyinə açıqlamasında məlumat yayıb.

Bildirilib ki, xarici işlər nazirinin müavini İranın Bağdaddakı səfiri ilə görüşdə ikitərəfli münasibətləri və Baş nazirin Tehrana səfərinin gündəliyini müzakirə edib. Səfər çərçivəsində iki ölkə arasında əməkdaşlığın genişləndirilməsinə dair bir sıra anlaşma memorandumlarının imzalanmasının nəzərdə tutulduğu qeyd olunub.

Xatırladaq ki, Əli əl-Zeydi bundan əvvəl ABŞ-yə rəsmi səfər edib və Vaşinqtonda Prezident Donald Trampla görüşüb.