Türkiyədə məşhurlara qarşı keçirilən narkotik əməliyyatı çərçivəsində 25 nəfər barəsində saxlanılma qərarı verilib.

Bu barədə Bakırköy Respublika Prokurorluğu məlumat yayıb.

Bildirilib ki, istintaq çərçivəsində müğənni İlyas Yalçıntaş da daxil olmaqla 8 nəfər saxlanılıb. Həmçinin saxlanılanlar arasında Mehmet Fatih Aksoy, Ateş İnce, Şefik Ömer Dolman, Aybüke Aldere, Ayşe Nur Balcı, İrem Haznedar və Öner Faruk Işık da var.

Məlumata görə, saxlanılan şəxslərin narkotik və psixotrop maddələrdən istifadə etdikləri və ya istifadəyə şərait yaratdıqlarına dair əsaslı şübhələr müəyyən edilib.