Xəbərlər
14.07.2026, 00:21
Südabə Sərvi : DAŞ OLMAQ ƏZABI - FOTO
Həyatın işləri sirdi-sehirdi,
Qatdı başımızı, aldatdı bizi.
Əzab alnımızda sanki möhürdü,
Tanrı bəlkə daşdan yaratdı bizi?
Ömür qul olubdu dərdə, əzaba,
Ürək nə daş deyil, nə də ki dəmir.
Bəlkə cəza verir Tanrı bizlərə?
Niyə göz görəni dilim söyləmir?
Daş olmaq əzabdı, əzabdı qardaş,
Daş kimi dözürük hər haqsızlığa.
Yoxsa qurudumu gözümüzdə yaş?
Yoxsa alışdıqmı torpaqsızlığa?
Suallar dilimdən asılıb qalıb,
Bir udum hava da vermirlər mənə.
Könlümə bir ağrı qısılıb qalıb,
Dünyanın nizamı zor imiş demə.
Vətən bölüm-bölüm, para-paradır,
Yenə də min yerə bölürük, nədən?
Dünyanın hər üzü dərddi, yaradı,
Tanrı, qoru bizi pis əməllərdən!
Son xəbərlər
Ən çox oxunanlar
- Bu gün
- Bu həftə
- Bu ay
