XATİRƏ İSMAYILOVA : 26 İyun Silahlı Qüvvələr Günü

Xəbərlər

27.06.2026, 12:23

XATİRƏ İSMAYILOVA : 26 İyun Silahlı Qüvvələr Günü

İlk öncə bir şəhid anası kimi bütün hərbçilərimizi təbrik edir, Vətənin azadlığı və bütövlüyü uğrunda canından keçən şəhidlərimizin ruhu qarşısında baş əyirəm.

Düşünürəm ki bu gün təkcə hərbçilərin bayramı və qürur günü deyil. Bu gün həm də onları böyüdən anaların, gecəsini - gündüzünə qatıb yol gözləyən həyat yoldaşlarının, atalarının üzünə həsrət böyüyən övladlarının və ümumilikdə bütün hərbçi ailələrinin günüdür.
Çünki hər hərbçinin güçünün arxasında onu duaları ilə qoruyan bir ana, səbr və fədakarlıqla yanında dayanan bir ömür gün yoldaşı dayanır. Onların görünməyən əməyi ,çəkdiyi həsrət və göstərdiyi dözüm də Vətənə xidmətin bir hissəsidir.
Vətənə layiqli bir oğul şəhid vermiş ana kimi bütün hərbçilərimizi qürurla salamlayıram.
Bu igid oğulları dünyaya gətirən, min bir çətinliklə böyüdüb boya- başa çatıran analara və bu oğullarla bərabər, çiyin-çiyinə həyat yolu keçən fədakar xanımlara böyük hörmət ,ehtiram və sevgiylə təşəkkür edirəm:
- Üzünüz ağ olsun qeyrətli oğullarımızın qeyrətini çəkən qeyrətli analar ,xanımlar!
- Var olun, Azərbaycanın qeyrətli oğulları !
Bayramınız mübarək əziz hərbçilərimiz və hərbçi ailələrimiz!