Xəbərlər
29.03.2026, 00:04
HƏSƏNXAN ƏSƏDOV : Bahar gəldi,yaz gəldi - FOTO
Sona çatdı artıq qış.
Yazdan sovqat gətirdi
Haçaqiyruq qaranquş.
Günəş saçdı nurunu,
Pozdu qışın yuxusun.
Yaydı bütün ətrafa,
Nərgizgülü qoxusunu.
Yetişdi fəsli-bahar,
Körpələr də güldülər.
Quşlar da qatar-qatar,
Ölkəmizə gəldilər.
Cana gəldi çöl-çəmən,
Yarpaqladı meşələr.
Kol dibindən boylandı
Üçyarpaq bənövşələr.
Yal-yamac yaşıllaşdı,
Otladı qoyun-quzu.
Açıldı al lalələr,
Bəzədi çölü, düzü.
Duyub bahar ətrini,
Torağay yuva qurdu.
Güllü baxça-bağlarda,
Bülbülər cəh-cəh vurdu.
Güldü torpağın üzü,
Dodağına naz gəldi.
Söylədi civcivələr,
Bahar gəldi, yaz gəldi.
27.03.2026
Son xəbərlər
Ən çox oxunanlar
- Bu gün
- Bu həftə
- Bu ay
