12.03.2026-cı il tarixində saat 21:20 radələrində Sumqayıt Tibb Mərkəzinin Təcili Tibbi Yardım Xəstəxanasına yanıq xəsarətləri səbəbilə 2 nəfər (kişi) hospitalizasiya olunub.

Sumqayıt Tibb Mərkəzindən "Unikal"a verilən məlumata görə, zəruri tibbi xidmətlər göstərilən hər iki şəxs daha ixtisaslı tibbi xidmət almaq üçün Nərimanov Tibb Mərkəzinin nəzdində fəaliyyət göstərən Yanıq Mərkəzinə təxliyə olunub.

Boyunun, üzün, hər iki əl barmaqların II-III dərəcəli termiki alov yanığı diaqnozları təyin olunan pasiyentlərin müalicəsi müvafiq şöbədə davam etdirilir, vəziyyətləri stabildir.

Qeyd edək ki, hadisə dünən səhər saatlarında Sumqayıt şəhəri, 47-ci məhəllə ərazisində yerləşən binalardan birində baş verib. Belə ki, kombi təmiri zamanı partlayış olub. Usta və ev sahibi yanıq xəsarətləri alıblar.