Xəbərlər
2.03.2026, 13:27
✍ Sevil Azadqızı : RUHUMUN XOŞ OVQATI - FOTO
Divarlardan asılan köhnə kədərləri,
Bir pəncərə açımıyla uzağa atdım.
Ruhumun xoş ovqatı –
Mənim özümə qayıdış bayramımdır.
Artıq yollar mənə yox,
Mən yollara hökm edirəm.
Addımlarımda torpağın nəfəsi,
Gözlərimdə göy üzünün sonsuz mavisi...
Nə keçmişin kölgəsi var üstümdə,
Nə də gələcəyin bilinməz qorxusu.
Mən elə bir rəssamam ki bu gün,
Öz dünyamı ən parlaq rənglərlə bəzəyirəm.
Hər nəfəsim bir şükür,
Hər baxışım bir təbəssüm.
Ruhumun bu halı –
Heç bir saata sığmayan bir azadlıqdır.
Baxın, mən buyam!
Külündən doğulan yox,
Hər gün yenidən, daha güclü var olan.
Mənim ovqatım –
Öz içimdə tapdığım o sönməz ocaqdır.
Dünya mənə gülümsəyir,
Çünki mən dünyaya ürəyimi açmışam.
Bu gün mən xoşbəxtliyin özüyəm,
Öz qələmimlə yazdığım
Ən gözəl dastanımdayam!
01.03.2026
Son xəbərlər
Ən çox oxunanlar
- Bu gün
- Bu həftə
- Bu ay
