Xəbərlər
18.02.2026, 21:07
AĞRILARIN ƏLİNDƏN
Bir ürək dolusu xatirələri kandarda qoyub, dünyanı tərk etmək istəyirəm.
Ağrıların əlindən qaçmaq keçir könlümdən.
Nə nifrət var içimdə, nə də acı bir vida,
Sadəcə səssizliyin dərin qatına çöküb, demək istəyirəm, əlvida.
Dünya çox səs-küylüdür,
zamanın gərdişi ruhumun pıçıltısını boğur,
Hər küncdə bir ağırlıq, hər baxışda sual doğur.
Mən isə hər şeydən uzaq olmaq, sakitliyə çəkilib hüzur axtarıram,
varlıqla yoxluq arasında.
Eşitmək belə istəmirəm hətta,
Lal baxışlara təslim olmaq keçir könlümdən o qırmızı xəttə.
Ağrıların rəngi olmur, bilirəm, amma çəkisi dağdan ağır, buzdan soyuqdur.
Yuxular da kiritmir pərişan duyğularımı,
Əlim çatan yerdən tutmaq olmur, ayağım altı da oyuq-oyuqdur.
Dünyanı tərk etmək-- həyatdan köçmək deyildir əslində, özünə qayıtmaqdır.
Bütün ağrıların əlini buraxıb,
Ruhun yalın ayaqlarıyla sonsuzluğa yerimək, könlün gözünü ovutmaqdır.
18.02.2026
Son xəbərlər
Ən çox oxunanlar
- Bu gün
- Bu həftə
- Bu ay
