2024-cü ilin əvvəlindən Rusiya ordusu Ukraynada təxminən 100 kvadrat kilometr ərazini ələ keçirib.

Bu barədə ABŞ-ın Müharibənin Öyrənilməsi İnstitutu məlumat yayıb.

“2023-cü ilin oktyabrından başlayan hücumda ruslar artıq 505 kvadrat kilometr Ukrayna ərazisini zəbt ediblər. Silahın olmaması Ukrayna Silahlı Qüvvələrinin effektiv müdafiə əməliyyatları aparmaq imkanlarını məhdudlaşdırır. Bu, həm də işğalçılara hücum əməliyyatları aparmaqda çeviklik verir. Yetəri qədər və müntəzəm yardım alması, Ukraynada səfərbərliklə bağlı problemlərin həlli rus işğalçılar üçün bu imkanları daraldacaq, eyni zamanda, Ukrayna Silahlı Qüvvələrinin Rusiyanı kiçik taktiki nailiyyətlərlə dayandırmaq qabiliyyətini təmin edəcək”, - məlumatda deyilir.