İsrail hərbi kabinetinin üzvü Benni Qantz, baş nazir Benyamin Netanyahunun etirazına baxmayaraq, Qəzza zolağındakı vəziyyəti müzakirə etmək üçün ABŞ-yə gedib.

Turaztv.az APA-ya istinadən xəbər verir ki, bu barədə “The Times of Israel” qəzeti məlumat yayıb.
Benni Qantz vitse-prezident Kamala Harris, milli təhlükəsizlik müşaviri Ceyk Sullivan və Milli Təhlükəsizlik Şurasının Yaxın Şərq və Şimali Afrika üzrə koordinatoru Brett Makqurk ilə görüşəcək.

Çərşənbə axşamı Qantz ABŞ dövlət katibi Antoni Blinkenlə görüşəcək.

Bundan sonra o, Londona yollanacaq və orada Böyük Britaniyanın xarici işlər naziri Devid Kemeron və digər rəsmi şəxslərlə görüşəcək.