Rusiya Prezidenti Vladimir Putin və İtaliyanın Baş Naziri Cüzeppe Konte arasında telefon danışığı olub.
“RİA Novosti” xəbər verir ki, bu barədə Kremlin mətbuat xidməti məlumat yayıb.

Bildirilir ki, telefon danışığı zamanı hökumət başçıları Liviyadakı vəziyyəti müzakirə edərək, yaranmış böhranı sülh yolu ilə həll etmək lazım olduğunu vurğulayıblar.

“Liviyadakı vəziyyət müzakirə edilib. Hər iki tərəf böhranı sülh yolu ilə həll etmək lazım olduğunu vurğulayıb. Bu baxımdan beynəlxalq birliyin BMT vasitəçiliyi ilə Liviya daxilindəki vəziyyətin nizamlanmasında dəstək göstərilməsinin vacibliyi ifadə olunub”, - deyə məlumatda bildirilib.(apa)