“Tesla”nın qurucusu və “Twitter”in sahibi İlon Mask “Forbes” jurnalının dünyanın ən varlı adamları reytinqində birinci yerə yüksəlib.

Turaztv.az AZƏRTAC-a istinadən xəbər verir ki, bu barədə məlumat nəşrin saytında yerləşdirilib.

Maskın sərvəti 4,2 milyard dollar artıb və hazırda 240,7 milyard dollar qiymətləndirilir. LVMH (Louis Vuitton Moet Hennessy) şirkətlər qrupunun prezidenti Bernard Arnault ikinci yerdədir, onun sərvəti 234,6 milyard dollar dəyərində qiymətləndirilir.

“Amazon” korporasiyasının qurucusu Ceff Bezos, “Oracle” korporasiyasının təsisçilərindən biri, amerikalı Larri Ellison, “Microsoft”un qurucusu Bill Qeyts planetin ən zəngin beş adamı siyahısını tamamlayır.