Xəbərlər
25.01.2023, 22:28
Şəhid leytenant NƏBİYEV ORXAN RZA oğlunun anım günü qeyd olunub - FOTOLAR
Bu gün - 25.01.2023 tarixində Azərbaycan Dövlət Pedaqoji Universitetinin Bakı filialında Vətən müharibəsinin şəhidi leytenant NƏBİYEV ORXAN RZA oğlunun anım günü və mənim şəhidə həsr etdiyim və yenicə çapdan çıxan "Qorxmaz Leytenant" kitabımın təqdimat mərasimi keçdi.
Tədbirdə Şamaxı Rayon İcra Hakimiyyətinin başçısı Tahir Məmmədov, Səfərbərlik və Hərbi Xidmətə Çağırış üzrə Dövlət Xidmətinin Şamaxı rayon şöbəsinin rəisi Rusif Babayev, mən, şəhid ailələri, şairlər, filialın rəhbərliyi, professor - müəllim və tələbə heyəti iştirak etdik. Tədbirə həmçinin kitabın redaktoru şairə xanım, eyni zamanda Qəbələ Şairlər birliyinin rəhəıri Şəhla Xəlilqızı ilə yanaşı "Qanun keşiyində" qəzetinin müxbiri Mustafayeva Simuzər xanım, Sədullayev Vidadi, Vətən müharibəsinin şəhidi Səfərçinov Xeyirbəy Cəlil oğlunun atası, həmçinin beş kitab müəllifi şair Cəlil Xeyirbəy və Ağayev Mirhəsən bugünkü tədbirə Qəbələdən təşrif gətirmişdilər. Tədbirdən əvvəl şəhid məzunlarının xatirısinə həsr olunmuş sərgiyə baxış keçirildi. Azərbaycan Dövlət Himninin səsləndirilməsi və xalqımızın qəlbində əbədi yaşayan şəhidlərimizin əziz xatirədi bir dəqiqəlik sükutla yad edildi və tödbir "Qorxmaz leytenant" adlı videoçarx nümayiş edildi. Tədbirdə çıxış edən ADPU-nun Şamaxı filialımın direktoru Tünzalə Yusifova, şəhid məzun Orxan Nəbiyevin atası Rza Nəbiyev çıxış etdikdın sonra söz mənə verildi. Mən də şəhid haqqında və kitabın ərsəyə gəlməsindən, 44 günlük Vətən müharibəsində qəhrəman oğullarımızın şücaətindən söz açdım. Tədbirdə Şamaxı Rayon İcra Hakimiyyətinin başçısı Tahir Məmmədovun geniş çıxışından və tədbir haqqındakı təəssüratından sonra tələbələrin hazırladığı kompozisiya təqdim olundu. Tədbir çox yüksək səviyyədə keçdi. Başda Tünzalə xanım, Vəsilə xanım və Şəlalə xanım olmaqla tədbirin təşkilatçılarına və iştirakçılarına bir daha təşəkkür edirəm. Allah cəmi şəhidlərimizə rəhmət eləsin. Şəhid valideynlərinə uca Allahdan səbr və can sağlığı arzulayıram.
TƏRANƏ MƏFTUN
25.01.2023 I gün 22:00
Son xəbərlər
Ən çox oxunanlar
- Bu gün
- Bu həftə
- Bu ay
