Yanvarın 20-də 20 Yanvar faciəsinin otuz üçüncü ildönümü qeyd olunacaq.

AZƏRTAC xəbər verir ki, artıq bu gündən başlayaraq ziyarətçilər Şəhidlər xiyabanına üz tutublar.

Azərbaycanın azadlığı, müstəqilliyi və suverenliyi uğrunda canlarından keçmiş Vətən övladlarımızın əziz xatirəsini yad edənlər arasında müəllimlər, məktəblilər, azyaşlılar, müxtəlif dövlət qurumlarının əməkdaşları, Azərbaycanda akkreditə olunmuş diplomatik korpusun nümayəndələri və ictimaiyyət nümayəndələri olub.

Ziyarətçilər şəhidlərin məzarı önünə tər qərənfillər düzüb, onların ruhlarına dualar oxuyublar.

AZƏRTAC Şəhidlər xiyabanını ziyarətdən fotoreportajı təqdim edir.