MƏDİNƏ PƏNAHLI - RƏFİQƏMİN MƏNƏ DEDİKLƏRİ...

Xəbərlər / Nesr

31.12.2022, 21:00

MƏDİNƏ PƏNAHLI - RƏFİQƏMİN MƏNƏ DEDİKLƏRİ...

RƏFİQƏMİN MƏNƏ DEDİKLƏRİ...

Xırdalan şəhərində bizim yaşadığımız ərazidə “Xarı Bülbülüm” adlı təlim-tədris mərkəzi fəaliyyət göstərir. Həmin mərkəzin rəhbəri Aysel xanım haqqında mənə xoş rəy, xoş sözlər söylədi. Ali savadlı, bacarıqlı, vətənpərvər, uşaqları sevən yüksək intellektual səviyədə idarəetmə qabiliyətinə malik olan pedaqoqdur. Həmçinin təlim-tədris mərkəzində mehriban, öz işini dərindən bilən kollektiv müxtəlif növlər üzrə xidmətlər göstərir. Belə ki, psixoloq, laqoped, məktəbə qədər təlim-tədris, erkən inkişaf qrupu, rəqs qrupu və.s.
Rəfiqəmin azyaşlı övladı kəkələyirdi, sözlərin tələfüsündə çox çətinlik çəkirdi. Mərkəzə qəbul olunandan sonra az müddət ərzində onların sayəsində sağlamlığı tam bərpa olundu. Onun dedikləri məndə çox maraq hissi yaratdı. Bu hisslər məni həmin mərkəzə apardı. Hər kəs öz sahəsi üzrə iş başında idi. Qonşu otaqda fidan balalarla həmrəylik və yeni il bayramına möhtəşəm hazırlıqlar davam edirdi. Aysel xanımla görüşdükdə mənə belə dedi: Əsas məqsədimiz Vətənə, Dövlətə, xalqa, yararlı, sağlam düşüncəli, zəkalı övladlar böyüdüb, tərbiyə etməkdir, xatırladım ki, vətənpərvərlik beşikdən başlayır. Buna bariz nümunə olaraq 27 sentyabr anım gününə balalarla birlikdə tədbir keçirdik.
Tədbir Azərbaycanın himninin oxunması ilə başladı. Balalar hərbi geyimdə, şəhidlərin foto şəkilləri, bayraqlar əllərində şerlər – deyilir, zəfər nəğmələri oxunur. Onlara baxanda fəxr - fəxarət duyursan ki, balalarımız qəhrəmanlıq, vətənpərvərlik ruhunda böyüyür, balalar bizim gələcəyimizdir.
“Xarı bülbülüm” Təlim-Tədris mərkəzində uşaqların vaxtlı-vaxtında dadlı. Keyfiyyətli qidalarla təminatı, İstirahəti, açıq havada əyani vəsaitlərlə dərslərin, oyunların, tədbirlərin İnnovativ sistemdə keçirilməsi uşaqlarda böyük həvəs yaradır. Hər bir uşağın doğum günü: musiqi, klon, nəğmə, rəqslə maraqlı şəkildə qeyd olunur. Bayram tədbirləri təntənəli şəkildə keçirilir. Rayon mədəniyyət evinin kukla teatrının aktyorlarını tədbirlərimizə dəvət edirik. Tamaşalar göstərilir. Valideynlərə elə şərait yaratmışıq ki, kamera vasitəsi ilə canlı olaraq uşaqlarını izləyə bilirlər. Erkən inkişaf qrupunun üzvlərindən biri də mənim övladım Yusifdir. Amma elə hiss edirəm ki, mərkəzimizdə olan övladların hamsı mənim doğma balalarımdır. Bir daha şahidi oldum ki, rəfiqəm heç də yanılmamışdır. Atalar demişkən, “Görünən dağa nə bələdçi”. Buyurun: -

Gəl, Xırdalan şəhərində olan,
“Xarı bülbülüm” təlim-tədris mərkəzinin
Halına bax,
Burada dadlı yeməklər yeyən,
Deyib,gülüb nəğmə oxuyub tez-tez şənlənən
Vətənpərvər fidan balaların əhvalına bax
Səhərlər valideynlər balaları gətirir,
Dayələr, müəllimlər
Mehribanlıqla qarşılayıb,götürür.
Əllərində bayraqlar düzülürlər sırada,
Himnimiz də oxunur, bayraqlarla burada
Bayrağımız yelləndikcə havada
Hamı birdən söyləyir,
Qoy həmişə sülh olsun
Azəri torpağında!
Həmrəylik, Yeni il bayramımız
Mübarək olsun
Mehriban yaradıcı kollektiv
Övladlarla birlikdə xoşbəxt firavan olsun:
Ulu Tanrı sizləri, balaları qorusun.

Mədinə Pənahlı