Qarpızı hər gün yemək mümkündür, lakin şəkərli diabet və ya qlükozaya tolerantlığın pozulmasından əziyyət çəkən insanlar bu məsələdə ehtiyatlı olmalıdırlar.

Bunu rusiyalı həkim Anna Kosenkova "RİA Novosti"yə açıqlamasında deyib.

Onun sözlərinə görə, qarpızın enerji dəyəri aşağı olsa da, qlikemik indeksi yüksəkdir. Bu isə qanda şəkərin sürətlə yüksəlməsinə səbəb ola bilər.

Həkim bildirib ki, qarpızın tərkibində suyun çox olması səbəbindən qanda şəkərin yüksəlməsi digər şirin məhsulların qəbulu ilə müqayisədə daha yavaş baş verir.

Kosenkova şəkərli diabet və ya qlükozaya tolerantlığın pozulması olan şəxslərə qarpızı hər gün qəbul etməkdən çəkinməyi tövsiyə edib.