Xəbərlər
21.12.2022, 23:08
UNUTMAQ OLARMI SİZ ŞƏHİDLƏRİ - FOTOLAR
UNUTMAQ OLARMI SİZ ŞƏHİDLƏRİ
"Qəbələnin səsi" ədəbi birliyin üzvüləri şəhid ocaqlarında.
Vahabov Ramiz Əsgər oğlu Birinci Qarabağ döyüşlərinin igid qəhraman şəhidi. Bu gün şəhidin məzarını və anasını ziyarət etməyə "Qəbələnin səsi" ədəbi birliyin üzvləri getmişdir. Tədbirdə şəhidin anası, qardaşı, bacısı 44 günlük Vətən müharibəsinin şəhidi şəhid Eyyubov Sərvanın anası Mələk ana Böyük Əmilli kənd icra nümayəndəsi Şabanov Məzahir Sədi oğlu, "Qəbələnin səsi"ədəbi birliyin üzvüləri, Vidadi Sədullayev "Qanun keşiyində" qəzetinin müxbiri Simuzər Mustafayev, Cəlil Xeyirbəy ,Mirhəsən Ağayev,Şəhla Xəlilqızı.Şair Mirhəsən Ağayev fatihə oxuyaraq şəhidlərin ruhuna bəxş etdi. Sonra tədbir şair Cəlil Xeyirbəyə həvalə edildi.Ramiz Vahabov 1975-ci il avqustun. 20-də Qəbələ rayonu Böyük Pirəlli kəndində ziyalı ailəsində dünyaya gəlib. Orta məktəbi Böyük Pirəlli kəndində müvəffəqiyyətlə başa vuraraq Vətən keşiyində durmağa əsgər gedib. 6 ayın əsgəri olan Ramiz Birinci Qarabağ savaşında sücaət göstərərək Ağdam və Talış kənd döyüşlərində iştirak edir. Ramiz Fizuli istiqamətində döyüşlərə cəlb edilir qızğın döyüşlərdə 1994-cü ilin Aprel ayın 20-də şəhidlik zirvəsinə ucalır.Vətən uğrunda canından keçən şəhidin nəşi doğma Böyük Pirəlli kəndinə dədə-baba yurduna gətirilir və orda dəfn olunur.Qeyd edək ki, Ramizin ata, babası Alışan Vahabov Böyük Vətən müharibəsinin şəhididir.
Qəhrəmanlar yurdunda böyüyən Ramiz anasına babamın yolunu gedəcəm deyərmiş. Dediyi sözə əməl edərək qəhrəman kimi vuruşaraq şəhidlik zirvəsinə ucaldı. Şəkilləri, əli ilə düzəltdiyi bir balaca avtomat, bəzək oyuncağı, bir də onun musiqi məktəbinə gedərək həvəslə öyrənib çaldığı gitara anasını yaralı qəlbinə təsəlli kimi qaldı. Onlardan Ramizin ətrini alır.Şəhid xatirələri bitməz tükənməz axar çaylar kimi dupduru çeşmələrdir.
Biz o ,çeşmələrdən bir neçə damla almaq məqsədi ilə şəhid evlərinə gedərək onların dərdinə az da olsa təskinlik verərək şəhidlərimizin əbədi yaşar olduğunu onlarla qürurlandığımızı sözümüzlə, yaradıcılığımızla dəstək olmağa çalışırıq.Allah cəmi şəhidlərə rəhmət eləsin. Amin.
Şəhla Xəlilqızı " Qəbələnin səsi" ədəbi birliyin rəhbəri.
Son xəbərlər
Ən çox oxunanlar
- Bu gün
- Bu həftə
- Bu ay
