2026/2027 mövsümü UEFA Çempionlar Liqasının üçüncü təsnifat mərhələsinin ilk oyununda Türkiyənin "Fənərbağça" klubu Avstriyanın "Şturm" komandası ilə qarşılaşıb.

"Unikal" xəbər verir ki, İstanbulda yerləşən "Ülkər Fənərbağça Şükrü Saracoğlu" stadionunda keçirilən görüş meydan sahiblərinin 2:0 hesablı qələbəsi ilə başa çatıb.

Oyunda hesabı 10-cu dəqiqədə "Fənərbağça"nın hücumçusu Anderson Taliska açıb. Meyson Qrinvud isə 45-ci dəqiqədə uzaq məsafədən baxımlı qola imza ataraq matçın yekun hesabını müəyyənləşdirib – 2:0.

Komandalar arasında cavab oyunu avqustun 11-də Avstriyada, "Merkur Arena" stadionunda keçiriləcək. Bu cütün qalibi pley-off mərhələsinin təsnifat raunduna vəsiqə qazanacaq və "Sparta Praqa" - "Lion" çütünün qalibinə rəqib olacaq.