22 oktyabr 2019-cu il tarixdə Yazıçılar Birliyinin «Natəvan» klubunda «Xatirə Fərəcli yaradıcılığının poetik təzahürü» kitabımın təqdimatı keçirildi. Tədbirin aparıcısı tanınmış tənşidçi-ədəbiyyatşünas Əsəd Cahangir kitabın sırf elmi-filoloji aspektdən araşdırıldığını və Xatirə Fərəcli yaradıcılığına bir qədər də fəlsəfi rakursdan yanaşdığımı iştirakçıların diqqətinə çatdırdı, kitabla bağlı müəyyən məlumatlar verdi.
Digər çıxış edənlər tanınmış şair Ofelya xanım kitabdakı elmi cəhətləri vurğulamaqla filoloji sahədə müəyyən qeyri-adiliklər etməyimə diqqət çəkdi. Tanınmış nəğməkar şair Yusif Nəğməkar kitabdakı fəlsəfi nüansları uğurum kimi qiymətləndirdi və kitabla balğı fikirlərini bölüşdü. Alim Nizami Muradoğlu, şair-publisistlər Şöhlət Əfşar, Balayar Sadiq, Arif Musa, Nəcibə İlkin, Xalidə Nuray, İbrahim İlyaslı, Sona Abbasəliqızı, Fəxrəddin Meydanlı, Əməkdar jurnalist Rəhman Orxan, jurnalist Natella Asena, Qənirə Mehdixanlı və digərləri poetik yaradıcılığımla yanaşı elmi yaradıcılığıma da müxtəlif rakurslardan münasibət bildirdilər, təqdim olunan kitabın maraqlı araşdırma və qeyri-adi bir tədqiqat işi olduğunu dedilər.
Tədbir geniş anşlaqla keçdi və hər kəsdə xoş ovqat yaratdı.