31 may 2022 - ci il tarixində, təxminən saat 18 - 45 radələrində Badamdar qəsəbəsində yerləşən “Badam Medikal Center”də Sığorta Agentliyinin göndərişi əsasında sol gözüm həkim-oftolmoloq Ruslan Məmmədov tərəfindən tibbi əməliyyat olundu. Həkimin və bütün tibb kollektivinin peşəkarlığı, xəstəyə yanaşma tətzi, isti münasibət, yüksək ab - həvva, əla sanitar - gigiyenik qaydalar, ümumyyətlə, göstərilən xidmətlər o qədər ali səviyyədə idi ki, bunu başqa formada tərnnüm etməyə ifadə tapa bilmirəm. Sözün həqiqi və məcazi mənasında özümdən asılı olmayaraq mat - məəttəl qalmışdım. Əməliyyat çox yaxşı, çox rahar, heç bir ağrı olmadan keçdi.

Günlər ötdükcə görmə sistemimdə müsbət tendensiyalar müşafidə olunur. İnanıram ki, yenidən yaxşı görəcəm və öz yaradıcılığımla, öz qələmimlə Xalqıma və Dövlətimə xidmət göstərəcəm. Sığorta Agentliyinin xətti ilə aldığım təmmanəsiz müalicəyə görə Azərbaycan Respublikasının Prezidenti cənab İlham Əliyevə, “Badam Medikal Centr”in rəhbərliyinə və şəxsən həkim - oftolmoloq cənab Ruslan Məmmədova və bütün tibb kollektivinə böyük təşəkkürümü və dərin minnətdarlığımı bildirirəm.
Allah Xalqımızı və Dövlətimizi qorusun!

Veydəddin Həsən oğlu Pirəliyev.
Filologiya üzrə fəlsəfə doktoru, Azərbaycan
Jurnalistlər Birliyinin üzvü, yazıçı-publisist
04.06.2022-ci il.