Azərbaycanın “Avroviziya-2022”də təmsil edəcək Nadir Rüstəmli müsabiqədə “Fade To Black” mahnısı ilə çıxış edəcək.

Turaztv.az AZƏRTAC-a istinadən xəbər verir ki, bu barədə məlumat müsabiqənin rəsmi saytında yer alıb. Saytda, həmçinin təmsilçimizin təqdim edəcəyi mahnının rəsmi videoklipi yayımlanıb.

Qeyd edək ki, “Avroviziya-2022” mahnı müsabiqəsi İtaliyanın Turin şəhərində keçiriləcək. Yarımfinal mərhələləri mayın 10-da və 12-də, final isə mayın 14-də baş tutacaq. “Avroviziya-2022”nin şüarı “The Sound of Beauty”dir (“Gözəlliyin səsi”).

Nadir Rüstəmli ikinci yarımfinalın birinci hissəsində çıxış edəcək. “Avroviziya-2022” mahnı müsabiqəsində Azərbaycan nümayəndə heyətinə bəstəkar və prodüser İsa Məlikov rəhbərlik edəcək.