Azərbaycannın azadlığı uğrunda mübarizə tarixinə qəhrəmanlıq səhifəsi kimi daxil olmuş 1990-cı il 20 yanvar hadisesinden 32 il keçir. Xalqımızın qanlı yaddaşında silinməz iz qoyan 20 yanvar faciəsi, xalqımız tərəfindən hər il dərin ehtiramla qeyd olunur. Keçmiş SSRİ rəhbərliyinin başda M.Qarbaçov olmaqla Azərbaycana qərəzli,erməni pərəst siyasətinə,əzəli torpaqlarımıza iddia eden Ermənistanın təcavüzkar siyasətinin açıq-aşkar dəstəklənməsinə və respublikanın o zaman ki, rəhbərliyinin xəyanətkar mövqeyinə etiraz əlaməti olaraq ayağa qalxmış silahsız vətəndaşların üzərinə Sovet ordusunun iri hərbi birləşmələrinin yeridilməsi Azərbaycanda, xüsusi ilə Bakıda görülməmiş faciəyə gətirib çıxardı,günahsız insanların faciəvi ölümləri ilə nəticələndi.
Yandırıcı güllələrin törətdiyi yanğın nəticəsində dövlət əmlakına və şəxsi əmlaklar məhv edilmişdi.Ümümilikde Bakıda ve rayonlarda 147 nefer dinc sakin vəhşicəsinə öldürülmüş, 700 den çox vətəndaşımız yaralanmışdır ki, onunda 25- i qadın olmaqla, 20-si uşaq olmuşdur.1000-ə yaxın dinc vətəndaşımız əsir götürülmüşdür.200-ə yaxın ev və mənzil, 80-dan çox avtomaşınlar ağır tankların altında qalmışdır.O,cümlədən təcili yardım maşınları gülləbaran edilmişdir.
1990-cı ilin Yanvar qırğını nə qədər faciəli olsada Azərbaycan xalqının iradəsini qıra bilməmişdir. Əksinə, xalqımız daha da mətinləşmiş və əli-yalın ,silahsız Sovet tanklarının,odlu silahlarının qarşısında öz qəhrəmanlıqlarının və qorxmamazlığının göstərmişlər.Buna görə də 20 yanvar faciəsi xalqımızın azadlıq və müstəqillik tariximizin yolunu açdı.O gündən hər il xalqımıza qarşı törədilmiş 20 yanvar faciəsində həlak olmuş qəhrəman şəhid övladlarının əziz xatirəsini dərin ehtiramla yad edilir.
Bir daha qəhrəman qorxmaz, torpaq,vətəninin müstəqilliyi uğrunda şəhid olmuş övladlarımızın məzarları qarşısında baş əyirik.

Şairəddin Calalov
Lənkəran şəhəri
18.01.2022