HALAL ZƏHMƏT ADAMI, XOŞBƏXT AİLƏ, ŞƏRƏFLİ ÖMÜR SAHİBİ

Xəbərlər

1.01.2022, 23:31

HALAL ZƏHMƏT ADAMI, XOŞBƏXT AİLƏ, ŞƏRƏFLİ ÖMÜR SAHİBİ - Hacıməmməd Məmmədov

Kiminə arandı, kiminə dağdı,
Kiminə saraydı, kiminə bağdı.
Qanmaza beşgünlük kefdi, damaqdı,
Qanana cənnətdi, pirdi bu dünya...

Xeyirxah, nəcib əməlli insanlar sevdiyi işi icra etdikcə ruhu dincəlir, qəlbi açılır. Xeyirxahlıq, yaxşı insan olmaq TANRI bəxşişidir və cəmiyyətin sağlam gələcəyinə xidmət etmək üçün vacib amildir.

Yaxşı insan, yaxşılıqdır niyyətin,
Ürəyinə düşən arzu gül açsın.
Qazanmısan təmiz adı, hörməti,
Xoş günlərin ulduzlara yol açsın.

Həyatı örnək olan bu insan sadə peşə sahibidir. Sadə insan olsa da cəmiyyətin fəaliyyətinə töfhə verən, Vətəninə, xalqına könül xoşluğu ilə xidmət edən zəhmətkeş insandır.
Nə yaxşı ki, həyatda xeyirxah, təşəbbüskar adamlar var. Ailəsi də, övladları da elini, obasını, torpağını və rəhbərini sevirlər. Ona görə də xoşbəxt ailədir. Rəhmətlik atası MƏMMƏD kişi də olduqca sadə xeyirxah, insansevər idi. ( Allah rəhmət etsin)
Haqqında danişdığımız insan SU MELARASİYADA çalışan AYDIN MƏMMƏD OĞLU MƏMMƏDOVDUR. Hörmət də, ləyaqət də, şöhrət də ona yaraşır. Dörd oğul böyüdüb, Vətənə verib. Dördünü də evləndirib. MƏTLƏB, XƏYAL, TURAL, ASİM hər dördü VƏTƏNİN igid balaları, dayağı və işlərində dövlətə sədaqətlə xidmət edənlərdir.
MƏTLƏB ağır atletika çempionatının rayon və Respublika yarışlarının dəfələrlə qalibi olmuş, yüksək yerlər tutmuşdur. O ali təhsillidir. FÖVQƏLADƏ HALLAR NAZİRİNİN QƏBƏLƏ RAYONUNDA YERLƏŞƏN HƏRBİ HİSSƏDƏ XİDMƏT EDİR. Nümunəvi işi ilə fərqlənən zabitdir. Bu dörd övlad Vətən üçün doğulub, Vətən üçün yaşayır...
... Bunlar haqqında yazmaq ayrı bir mövzudur... Məqsədimiz AYDIN MƏMMƏD OĞLU MƏMMƏDOVUN qısa da olsa ömür yoluna işıq tutmaqdır...

Səni görüb sevinirəm mən gündə,
Elə xeyir dinləyirsən sən gündə.
Toy - büsatlı, çal - çağırlı şən gündə,
Qapınızı gülə - gülə el açsın.

AYDIN MƏMMƏD OĞLU MƏMMƏDOV düz 60 il əvvəl səfalı, dünyalar qədər əziz bir torpaqda - PİRƏQANIM kəndində dünyaya göz açıb. Hamı kimi oxuyub təhsil alıb. Ailə vəziyyəti ilə əlaqədar rayona köçüblər. Özlərinə ev - eşik düzəldib, ailə qurub...
Aydın traktorçudur. Uzun illərdir ki,SU MELARASİYADA idarəsində çalışır. Bu işdə bu günün və gələcəyi naminə ömür sərf edir...
AYDIN MƏMMƏD OĞLU MƏMMƏDOV yaxşı ata, qayğıkeş babadır. Onun hələlik beş nəvəsi var... Yəqin ki, nəvələrin sayında artım olacaq, inşaallah! Ömür - gün yoldaşı RƏHİLƏ XANIM da sadə, zəhmətkeş, xeyirxah xanımdır, anadır...mehriban nənədir...

Halal zəhmət, doğru yoldu - təmiz ad,
Yaxşılara həm qardaşsan, həm övlad.
Yaxşı dostla açasısan qol - qanad,
Saf duyğular qoy sinəndə dil açsın!

AYDIN MƏMMƏD OĞLU MƏMMƏDOV, YUBLEY YAŞINIZ MÜBARƏK OLSUN!!!
YÜZ YAŞAYASINIZ ƏZİZLƏRİNİZLƏ BİRLİKDƏ, VAR OLASINIZ, NƏVƏ, NƏTİCƏ TOYU EDƏSİNİZ İNŞALLAH!!!
60 - ın mübarək, 70 - də görüşək!!!