Şuşaya səfər qəlbimizdə unudulmaz izlər buraxdı. Qarabağın ürəyi olan Şuşa doğrudan da möhtəşəmdir. Bu gün Şuşa qalası, Yuxarı Gövhər ağa məscidi, Cıdır düzü, Molla Pənah Vaqifin məqbərəsi və digər tarixi, dini abidələri ziyarət etdik. Bu maddi və mədəni nümunələr dünyanın ən qiymətli inciləridir. Qəhrəman Azərbaycan xalqı bir daha sübut etdi ki, öz dəyərlərinə sahib çıxmağı bacaran xalqdır.

Bunu AZƏRTAC-a müsahibəsində Şuşa şəhərində səfərdə olan Avropa Hüquqşünas Tələbələr Assosiasiyasının Bakı İctimai Birliyinin sədri Mirazər Məmmədzadə bildirib.

O, gənclərin Qarabağa böyük fəxr hissi ilə səfər etdiklərini deyib: “Gənclərmiz ana yurdumuz Qarabağa böyük fəxr hissi ilə səfər edirlər. Qalib ordumuz Azərbaycan Respublikasının Prezidenti İlham Əliyevin rəhbərliyi ilə tarixi Qələbə qazanıb. Biz məğlubedilməz qalib xalqın nümayəndəsi olmaqla qürur duyuruq”.