İstanbul, 12 avqust, AZƏRTAC

Türkiyənin Kastamonu, Sinop və Bartın vilayətində meydana gələn sel fəlakəti zamanı həlak olanların sayı 17-yə çatıb.

AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğan bildirib.

Ölkə Prezidenti təbii fəlakət bölgələrində qalan əhalinin evakuasiyası, yolların açılması və dəyən zərərin ödənilməsi üçün aidiyyatı qurumlar tərəfindən işlərin gecə-gündüz davam etdirildiyini deyib.

Qeyd edilib ki, Türkiyənin hakim Ədalət və İnkişaf Partiyasının yaradılmasının 20-ci il dönümü münasibətilə avqustun 14-ü keçirilməsi nəzərdə tutulan tədbirlər ölkədə baş verən təbii fəlakətlər səbəbindən təxirə salınıb.

Günel Məlikova

AZƏRTAC-ın xüsusi müxbiri

İstanbul