Azərbaycan Respublikasının Nazirlər Kabineti gömrük tənzimləmələri, inzibati cərimələr və qiymətli metalların dövriyyəsi ilə bağlı bəzi qərarlarında dəyişikliklər edib.

Qərar Azərbaycanın Gömrük Məcəlləsinə, İnzibati Xətalar Məcəlləsinə və “Qiymətli metallar və qiymətli daşlar haqqında” qanuna əvvəllər edilmiş dəyişikliklərin tam icra olunmasını təmin edir.

Bu sənədlə Nazirlər Kabinetinin alt qərarları dövlət başçısının fərmanlarına uyğunlaşdırılaraq, gömrük nəzarəti və qiymətli daşların ölkəyə gətirilməsi/çıxarılması zamanı yaranan hüquqi boşluqlar aradan qaldırılıb. Yeni qaydalar həmçinin bu sahədəki qanun pozuntularına görə tətbiq edilən inzibati sanksiyaların və cərimə mexanizmlərinin daha çevik işləməsinə xidmət edəcək.