"İÇƏK " QƏMİN EŞQİNƏ - FOTO

Xəbərlər

2.07.2026, 01:34

"İÇƏK " QƏMİN EŞQİNƏ - FOTO

HƏCƏR QƏBƏLƏ.

Salam əziz qəmim, əzabkeş qəmim.
Xoş gəldin bu küskün könlümə mənim.
Əyləş; baş tərəfdə, açıq süfrəmin.
Yeyək ; topladığım cəmin eşqinə.
"İçək "tənhalığın, qəmin eşqinə.

Baxma ətrafımda doludur aləm.
Bu qapımdan nə ötən var, nə nə gələn.
Yeyək; bir az zülüm, bir az da ələm.
Süz! Ey könül dostum, sənin eşqinə.
"İçək" tənhalığın, qəmin eşqinə.

Bu sərxoş halimə gülməsin dərdim.
Nadana, nakəsə könlümü verdim.
Üzünü çevirdim, astarın gördüm.
Köklə, könül sazın, bəmin eşqinə.
"İçək" tənhalığın, qəmin eşqinə.

Gedək qapısına xəyal qardaşın.
Əridək buzunu soyuq qar, daşın.
Könül badəsində acı göz yaşım.
Süz! Yerdə sürünən "dəmin" eşqinə.
"İçək " tənhalığın, qəmin eşqinə.

Çəkilək küncünə zil qaranlığın.
Uzanaq qoynuna səssiz otağın.
Baxaq şöləsinə, sönən çırağın.
Bir "sağlıq " deyən yox, dindirəm,dinə.
"İçək " tənhalığın, qəmin eşqinə.

Ölsəm bəzəyərsən qara toppağı.
Üstümdə salarsan ayrılıq bağı.
Çəkib gözlərindən hicran bulağı.
Yazarsan üstünə sənin eşqinə.
"İçək " tənhalığın, qəmin eşqinə.

Xiffətdən Həcərin gül rəngi soldu.
Əridi, " bir şamın " gözünə doldu.
Bu fani dünyada kimsəsiz qaldı.
Yaşadı, qırılan simin eşqinə.
"İçək " tənhalığın, qəmin eşqinə.
28.06.26.