ABŞ-a məxsus “MH-60S Seahawk” tipli hərbi helikopter Ərəb dənizinə məcburi eniş edib.

"Unikal" xəbər verir ki, Hadisə nəticəsində bir hərbçi itkin düşüb, daha üç nəfər isə xəsarət alıb.

ABŞ Hərbi Dəniz Qüvvələrinin Beşinci Donanmasının yaydığı məlumata görə, yaralıların vəziyyəti stabildir. Hazırda itkin düşən ekipaj üzvünün axtarışları davam etdirilir.

İlkin araşdırmalara əsasən, insidentin düşmən hücumu ilə əlaqəli olduğuna dair heç bir əlamət yoxdur. Hadisənin başvermə səbəbləri araşdırılır.

Bildirilir ki, helikopter bölgədə fəaliyyət göstərən “George H.W. Bush” təyyarədaşıyan gəmisinin tərkibində xidmət aparırdı.

Hərbi ekspertlər qeyd edirlər ki, bu tip helikopterlərin suya məcburi enişi zamanı aşma riski yüksək olduğundan, belə vəziyyətlər hətta təcrübəli pilotlar üçün də ciddi təhlükə yaradır.