Xəbərlər
1.04.2026, 00:05
QIZBƏS QƏBƏLƏ : 31 MART GENOSİDİ - FOTO
Günü yada salanda,
Sanki dünya qaralır,
Gözlərimdə bir anda...
Bolşeviklər, daşnaklar,
Birləşdi bir arada.
Bir qırğın törətdilər,
Tayı yoxdur dünyada.
Cəmi dörd gün ərzində,
Daş üstə, daş qalmadı.
Üzdü qan dənizində,
Bakıda, hal qalmadı.
Küçələrə sel kimi,
Axdı xalqımın qanı.
Günahsız öldürdülər,
Neçə məsum insanı.
Yoxdu sanki dünyada,
Nə ədalət, nə də haqq.
Haqqa meydan oxuyur,
Bəzən nədənsə nahaq.
Bənd olmuşdu göylərə,
Xalqın naləsi, ahı.
Neyləmişdi bu millət,
Nəydi axı günahı ?
31 mart, 3 aprel,
Çaxdı sanki ildırım.
Törədildi Bakıda,
Dəhşətli bir soyqrım.
Bu elə bir qətliam,
Elə bir qırğın oldu.
Baxıb bu fəlakətə,
Yer - göy saçını yoldu.
Döndərdilər dörd gündə,
Qan gölünə Bakını...
Çəksin bəs necə axı,
Bu xalq belə ağrını ?
Qırdılar bir milləti,
Evində, ocağında.
Öldürdülər körpəsin,
Ananın qucağında.
Aman da vermədilər,
Nə qocaya, cavana...
Gülləbaran etdilər,
Süngüdın keçirtdilər,
Yandırıb kül etdilər,
Qıydılar neçə cana.
Dağ çəkdilər dörd gündə,
Bütün Azərbaycana.
Son xəbərlər
Ən çox oxunanlar
- Bu gün
- Bu həftə
- Bu ay
