Xəbərlər
4.03.2026, 22:44
BRİLYANT QURBANOVA : Şeirlər - FOTO
Nənəm qalxıb bir səhər "bismillah"- söylədi,
Qaldırıb əllərini Allaha sidq eylədi.
Qurdu o xanasını bayatı deyə-deyə,
Asdı yumaqlarını boyunu öyə-öyə.
Xana mənim...
Qurulmuş xana mənim.
Bir xalı toxuyuram
O sənin, xana mənim.
Xana verdi...
Xan aldı, xana verdi.
Köçən qıza atası
Cehizlik xana verdi.
Xana bəndi...
Götürməz xana bəndi.
Hərə bir yana getdi
Mən oldum xana bəndi.
Yatmadı gecə-gündüz, toxudu gözəl xalı,
Xalıya baxanların xoş olurdu əhvalı.
Eşitdi alatoran nənəm azan səsini,
"Əlhəmdülillah"-deyib vurdu son ilməsini.
07.02.2026
Olmaz.
Dağın zirvəsində duran insanın,
Dağın ətəyindən xəbəri olmaz.
Ürəyi təmizlər diliylə səni
Dalayar, dişində zəhəri olmaz.
Bar verməz min çalaq vursan söyüdə,
Övlad bivec olsa baxmaz öyüdə,
Bağban ağac əkib bağın böyüdə,
Əgər suyu yoxsa bəhəri olmaz.
İndi vəfalı dost, yaxşı yar hanı?
Dostunu, düşməni gözündən tanı,
Soğan-çörək yesə, sağ olsa canı,
Atəşin qəlbində qəhəri olmaz.
04.03.2026.
Son xəbərlər
Ən çox oxunanlar
- Bu gün
- Bu həftə
- Bu ay
