Xəbərlər
3.03.2026, 01:12
ƏZİZƏ AĞAHÜSEYNQIZI : SARI ÇİÇƏK- FOTO
Qışın ortasında gül açmağından,
Sezdim baxışından ümid işarır.
Boylanıb yollara köks ötürürsən,
Bəs niyə gözlərin belə yaşarır.
Ay sarı çiçəyim, sarı çiçəyim,
Həsrətin boy verib üzündə sənin.
Qəlbinin kədləri titrətdi məni,
Əyilib torpaqdan üzəndə səni.
İntizar baxışın yolların üstə,
Özündən xəbərin olmayıb hələ.
Bu dünya bir ucdan boşalıb gedir,
Bir ucdan görürsən... dolmayıb hələ.
De, nəyin qüssəsi saraldıb səni?
Sən də aşiq olub belə əsirsən?
Bəlkə Sarı aşıq donunda bitib,
Bəlkə bu çöllərdə Yaxşı gəzirsən?
Nisgilin, xiffətin mənə ayandı,
Gizlətmə gözünü, sərrafam axı!
Bir əlçim şeirə necə sığdırım?
Taleyin bir dünya bayatı, yaxı.
Demə bu görüş də tale yazısı,
Demə bu görüş də qismətdi, bəxtdi.
Sənin ürəyinin sarı həsrəti,
Bir şair qəlbini yandırıb yaxdı.
Dərdini çəkirəm şeir diliylə,
Sünbülun olmadı, dənin olmadı.
Həsrət sənin oldu, sənsə həsrətin,
Həsrətin çəkdiyin sənin olmadı!
Sezdim baxışından ümid işarır.
Boylanıb yollara köks ötürürsən,
Bəs niyə gözlərin belə yaşarır.
Ay sarı çiçəyim, sarı çiçəyim,
Həsrətin boy verib üzündə sənin.
Qəlbinin kədləri titrətdi məni,
Əyilib torpaqdan üzəndə səni.
İntizar baxışın yolların üstə,
Özündən xəbərin olmayıb hələ.
Bu dünya bir ucdan boşalıb gedir,
Bir ucdan görürsən... dolmayıb hələ.
De, nəyin qüssəsi saraldıb səni?
Sən də aşiq olub belə əsirsən?
Bəlkə Sarı aşıq donunda bitib,
Bəlkə bu çöllərdə Yaxşı gəzirsən?
Nisgilin, xiffətin mənə ayandı,
Gizlətmə gözünü, sərrafam axı!
Bir əlçim şeirə necə sığdırım?
Taleyin bir dünya bayatı, yaxı.
Demə bu görüş də tale yazısı,
Demə bu görüş də qismətdi, bəxtdi.
Sənin ürəyinin sarı həsrəti,
Bir şair qəlbini yandırıb yaxdı.
Dərdini çəkirəm şeir diliylə,
Sünbülun olmadı, dənin olmadı.
Həsrət sənin oldu, sənsə həsrətin,
Həsrətin çəkdiyin sənin olmadı!
01.03.2026
