Xəbərlər
3.03.2026, 00:23
ELXAS COMƏRD : Hər bir şeyin qədəri var - FOTO
Ömrümüzün içindəki,
Keçdiyimiz yoldu həyat.
Yaşanılan acı, şirin,
Xatirəylə boldu həyat.
Uşaqlıqdan ta gəncliyə,
Dərk edilən düşüncəyə,
Şanadakı hər gözcüyə,
Dad gətirən baldı həyat.
Bir kök üstə bitən ağac,
Hər meyvəsi ömürə tac,
Xatirəsi qulac, qulac,
Gövdə, budaq, qoldu həyat.
Dərk edilib yaşayanda,
Çəkib yükün daşıyanda,
Gözlərində yaş duyanda,
Yaşanılmış haldı həyat.
Sevinci var, kədəri var,
Boş günlərin hədəri var,
Hər bir şeyin qədəri var,
Bəzən qeylü-qaldı həyat.
Elxas, çoxdu arzu, niyyət,
Ömür möhlət, vaxtda zinət,
Dəyərini bil, rə(i)yyət,
Zənginliklə boldu həyat.
Son xəbərlər
Ən çox oxunanlar
- Bu gün
- Bu həftə
- Bu ay
