Ukrayna Prezidenti Volodimir Zelenski və ABŞ Prezidenti Donald Tramp arasında telefon danışığı olub.

"Unikal" xəbər verir ki, Ukrayna Prezidentinin müşaviri Dmitri Litvin jurnalistlərə söhbətin təxminən 30 dəqiqə davam etdiyini bildirib.

Ukrayna Prezidenti Zelenski isə sosial media hesablarında bildirib ki, o və Tramp fevralın 26-da Cenevrədə ABŞ və Ukrayna nümayəndə heyətlərinin görüşündə üzərində işləyəcəkləri məsələləri müzakirə ediblər.

Liderlər həmçinin, martın əvvəlində keçiriləcək növbəti üçtərəfli görüşü də müzakirə ediblər.

“Ümid edirik ki, bu, bizə liderlik səviyyəsində danışıqlara keçməyə imkan verəcək. Prezident Tramp bu addımlar ardıcıllığını dəstəkləyir. Bu, bütün mürəkkəb və həssas məsələləri həll etməyin və nəhayət müharibəyə son qoymağın yeganə yoludur”, - deyə Zelenski qeyd edib.

*** 22:59

ABŞ Prezidenti Donald Trampın ukraynalı həmkarı Volodimir Zelenski ilə telefon danışığı olub.

"Unikal" xəbər verir ki, Ukrayna Prezidentinin Ofisi Zelenskinin Trampla danışdığını təsdiqləyib.

Ukrayna Prezidentinin müşaviri Dmitri Litvin jurnalistlərə bildirib ki, söhbət artıq başa çatıb.

Hələlik heç bir təfərrüat yoxdur.