Xəbərlər
İnama arxalan, qalma gümanla - FOTO
şair-publisist
GƏLİR
Hər şey yoldan keçir,-sevinc də,qəm də,
Məchul bir tənhalıq gizlənib cəmdə,
Bütövlük özünü axtarır kəmdə,-
Dağların selləri dərəyə gəlir.
Müqəddəs paklığa keçid ol hər an,
Onun keşiyində amadə dayan,-
Batini saf, fəqət, axan, bulanan
Suyun zir-zibili bərəyə gəlir.
Nə tərsə, nə bəhsə düşmə zamanla,
İnama arxalan, qalma gümanla.
Zahirə inanma, fərqini anla,-
Milçək də, arı da şirəyə gəlir.
Dünya libasını geyinib sirrdən,
Özü yıxdığını qaldırmaz yerdən...
Nə qədər qorunsan xatadan, şərdən,
Fələyin gülləsi ürəyə gəlir.
Məchul bir tənhalıq gizlənib cəmdə,
Bütövlük özünü axtarır kəmdə,-
Dağların selləri dərəyə gəlir.
Müqəddəs paklığa keçid ol hər an,
Onun keşiyində amadə dayan,-
Batini saf, fəqət, axan, bulanan
Suyun zir-zibili bərəyə gəlir.
Nə tərsə, nə bəhsə düşmə zamanla,
İnama arxalan, qalma gümanla.
Zahirə inanma, fərqini anla,-
Milçək də, arı da şirəyə gəlir.
Dünya libasını geyinib sirrdən,
Özü yıxdığını qaldırmaz yerdən...
Nə qədər qorunsan xatadan, şərdən,
Fələyin gülləsi ürəyə gəlir.
