Avropa Komissiyası Tbilisinin Avropa İttifaqının irəli sürdüyü tövsiyələrə məhəl qoymamaqda davam edəcəyi təqdirdə Gürcüstan üçün vizasız rejimin tam şəkildə ləğv edilməsi imkanını nəzərdən keçirir.

"Turaztv.az" “Qafqazinfo” -ya istinadən xəbər verir ki, bu barədə Avropa Komissiyasının bəyanatında bildirilir.

İlk addım Gürcüstan hakimiyyət orqanları tərəfindən verilmiş diplomatik, xidməti və rəsmi pasportlara malik şəxslərin vizasız ölkəyə girişinin dayandırılması ola bilər. Bildirilir ki, AK tövsiyələrin yerinə yetirilməməsinə görə onları əsasən məsuliyyətli hesab edir.