Bütün dünyada həyəcanla gözlənilən "Həbsdən qaçış" ("Prison break") serialı yenidən ekrana qayıdır.

"Turaztv.az" "Unikal"-a istinadən xəbər verir ki, bu barədə "Variety" məlumat yayıb. Artıq "Hulu" platforması layihəyə start verib.


Yeni serialda Emili Brauninq, Dreyk Rodcer, Lukas Geyc, Kleytın Kardenas, Cey Ar Born, Corci Flores və Mayls Ballok rol alacaqlar.

Süjet ABŞ-nin ən təhlükəli həbsxanalarından birində işləməyə başlayan keçmiş hərbçi qadın üzərində qurulacaq.

Hadisələr orijinal serialda olduğu kimi cərəyan edəcək, lakin hekayə tamamilə yeni personajlar və süjet xətti üzərində qurulacaq.

Qeyd edək ki, "Həbsdən qaçış" serialı 2005-ci ildən etibarən "Fox" kanalında yayımlanmış və 5 mövsüm davam etmişdi. Ekran işində baş rolları Ventuort Miller və Amori Nolasko canlandırırdı.