Əfsanəvi “The Beatles” qrupunun ifaçısı Con Lennonun qatili Mark Devid Çepmen cinayəti törətməsinin səbəbləri barədə danışıb.

"Turaztv.az" “Qafqazinfo”-ya istinadən xəbər verir ki, bu barədə “New York Post” yazıb.

Məlumata əsasən, məşhur müğənni Con Lennonun qətlində təqsirli bilinən Mark Devid Çepmen şərti azadlığa buraxılma komissiyasına 1980-ci ildə törətmiş olduğu cinayəti “həyatda özünə yer tapmaq” istəyindən irəli gəldiyini etiraf edib.

Belə ki, “Green Heaven” islah-əmək müəssisəsində saxlanılan 70 yaşlı Çepmen musiqiçinin qətlinin “eqoizm” və “onun populyarlığı” səbəbindən olduğunu bildirib: “Məqsədim məşhur olmaq, əslində olmadığım biri olmaq idi”.

Çepmen bu fikirləri cinayətin 45-ci ildönümünə həsr olunmuş növbəti dinləmələr zamanı səsləndirsə də, rəsmiləri inandıra bilməyib və onun əfv olunma haqqında vəsatəti yenidən rədd edilib.

Qeyd edək ki, Çepmen ömürlük həbs cəzasına məhkum edilib. Onun şərti azadlığa çıxmaq üçün növbəti dəfə vəsatət vermək imkanı 2027-ci ildə olacaq.