ABŞ Prezidenti Donald Tramp bildirib ki, əgər HƏMAS atəşkəs sazişinə əməl etməzsə, İsrail “özünün dediyi anda” hərəkətə keçərək münaqişəni yenidən başlada bilər.

"Turaztv.az" “Qafqazinfo”-ya istinadən xəbər verir ki, bu barədə o CNN-ə müsahibəsində söyləyib.

O, söyləyib ki, HƏMAS ilə bağlı hər hansı problem olduqda, administrasiyası bunu sürətlə həll etməyə çalışacaq.

ABŞ Prezidenti həmçinin HƏMAS-ın Qəzzada dəstələrlə mübarizə apardığını qeyd edib:

“Əgər HƏMAS silahlarını təhvil verməzsə, ABŞ və tərəfdaşları onları silahsızlandıracaq”.

Qeyd edək ki, HƏMAS-ın hərbi qanadı olan “İzzəddin əl-Qassam” batalyonu isə atəşkəs sazişinə sadiq olduqlarını bildirərək, qalan İsrail əsirləri və meyitlərinin çıxarılması üçün xüsusi avadanlıq və səylərin lazım olduğunu qeyd edib.