Kiyev bölgəsindəki Çernobıl Atom Elektrik Stansiyasında Rusiyanın hücumu nəticəsində yaranan blekaut (elektrik enerjisinin verilməsinin dayandırılması) üç saatdan çox davam edib.

"Turaztv.az" "Unikal" -a istinadən xəbər verir ki, bunu Ukrayna prezidenti Volodimir Zelenski deyib.


"Bu, onların (rusların) 20-dən çox drondan istifadə etdiyi hədəfli zərbə idi. Rusiya qəsdən radiasiya insidentləri təhlükəsi yaradır", - Zelenski vurğulayıb.

MAQATE-nin məlumatına görə, işıq kəsildikdən sonra Çernobıl Atom Elektrik Stansiyası tez bir zamanda alternativ enerji mənbəyinə keçirilib və enerji bərpa edilib.