Xəbərlər
16.06.2025, 01:07
55 illik dostum Heydər müəllimi təbrik etməkdən çox məmnunam - FOTOLAR
Hörmətli facebookçu dostlar! 16 iyun 2025-ci il Azərbaycanın tanınmış pedaqoqu, Əməkdar müəllim, Azərbaycan pedaqoji elminin inkişafına öz əvəzsiz töhfələrini vermiş görkəmli şəxsiyyət, Azərbaycan Dövlət Pedaqoji Universitetinin Ümumi pedaqogika kafedrasının dosenti Heydər Allahyar oğlu Cəfərovun doğum günüdür.
Heydər Cəfərov nəinki görkəmli alim, həm də vətəndaş, böyük hərflə insani keyfiyyətləri özündə birləşdirən, hamı üçün örnək ola biləcək, tələbələrin, professor- müəllim heyətinin və insanların rəğbətini və məhəbbətini qazanmış unikal mədəniyyətə, davranış normalarına malik nadir şəxsiyyətlərdəndir. Bu gün münasibətilə əziz qardaşımı nəinki onun öz şəxsi həyatında, həm də onu yaxından tanıyanların və sevənlərin həyatında son dərəcə gözəl gün münasibətilə ürəkdən təbrik edir, ona Azərbaycan pedaqoji elminin, ali məktəb pedaqogikasının, Valeologiya və Didaktogeniya kimi elm sahələrinin Azərbaycan Pedaqoji-metodik mühitinə ötürülməsində əvəzsiz xidmətləri olan 55 illik dostum Heydər müəllimi təbrik etməkdən çox məmnunam. Bütün qeyd etdiklərim heç də gəlişi gözəl söz və ya tərif deyildir. Bu, mahiyyətinə bütün tərəfləri ilə bələd olduğum ali insanın mənəvi - əxlaq keyfiyyətləri ilə bəşər övladını sözün həqiqi mənasında özünə cəlb edə bilən böyük şəxsiyyətin və alimin müxtəsər cizgiləridir. Heydər müəllimlə ünsiyyətdə olan hər bir kəs öz daxili dünyasına sanki yeni insanın iç dünyasını transfer etməyə müvəffəq olur.
Əziz və hörmətli qardaşım, Səni doğum günün münasibəti ilə ürəkdən təbrik edir, uzun ömür, can sağlığı, pedaqoji fəaliyyətində və həyatında saysız-hesabsız uğurlar diləyirəm. Nə yaxşı ki, Uca Allah sənin kimi qardaşla mənə dost olmağı nəsib edib, ömür dünyama xoşbəxtlik çiləyib.
Səni candan sevən, sənə ömürlük bağlı olan qardaşın Nizami Tağısoy.
Son xəbərlər
Ən çox oxunanlar
- Bu gün
- Bu həftə
- Bu ay
