Kanadada daha əvvəl iyunun 15-nə planlaşdırılan G7 sammitinin (G7, Böyük Britaniya, Almaniya, İtaliya, Kanada, ABŞ, Fransa və Yaponiya) startı bir gün sonra baş tutacaq.

"Turaztv.az" "Unikal"-a istinadən xəbər verir ki, bu barədə "Kyodo" agentliyi Kanada rəsmisinə istinadən məlumat yayıb.


Onun sözlərinə görə, G7 liderləri görüşün yekunlarına dair hərtərəfli bəyannamə deyil, “daha ​​qısa, tematik” bəyanatlar dərc etməyi planlaşdırır.

Daha əvvəl CTV kanalı Kanada hökumətindəki mənbəyə istinadən məlumat vermişdi ki, G7 ölkələrindən yekun bəyanat gözlənilmir; əvəzində bəzi iştirakçılar bəzi məsələlər üzrə birgə kommunikelər qəbul edə bilər, lakin bütün gündəliyə aid deyil.

2025-ci ildə G7 sammiti iyunun 15-17-də Kananaskisdə keçirilməli idi. Almaniya Nazirlər Kabinetindəki mənbənin sözlərinə görə, gündəliyə Ukrayna ilə yanaşı, enerji təhlükəsizliyi məsələləri, NATO ölkələrinin müdafiə xərclərinin artırılması və kritik xammala çıxış məsələləri daxil olacaq.