Kipr türklərinin hüquq və mənafelərinə məhəl qoymamaq cəhdləri güclənən Türkiyə tərəfindən hər zaman pislənəcək.

Turaztv.az AZƏRTAC-a istinadən xəbər verir ki, bu barədə Türkiyə Prezidenti Rəcəb Tayyib Ərdoğan Lefkoşada keçirilən “TECHNOFEST-2025” festivalında Türkiyə liderini müşayiət edən jurnalistlərlə söhbətində bildirib.

O qeyd edib ki, Kipr məsələsinin yekun həlli kontekstində Ankara “iki suveren və müstəqil dövlət” prinsipinə sadiqdir.

Onun sözlərinə görə, Türkiyə Kiprin türk və yunan hissələri arasında əlaqələrin qurulmasına, o cümlədən 2025-ci il martın 17-18-də Cenevrədə BMT-nin himayəsi altında Kipr üzrə keçirilən qeyri-rəsmi görüşün qərarları fonunda konstruktiv yanaşır.

“Biz ziddiyyətlərin uzunmüddətli və real həll edilməsini ürəkdən arzu edirik. Artıq bütün tərəflərin Kiprdə iki dövlətin mövcudluğu reallığını və faktını qəbul etmələrinin vaxtı çatıb”, - deyə siyasətçi vurğulayıb və Ankaranın Şimali Kipr Türk Cümhuriyyətinin (ŞKTC) yanında olduğunu və bundan sonra da olacağını əmin edib.

O, Kipr türk xalqını Türk dünyasının ayrılmaz hissəsi adlandırıb. “Gec-tez ŞKTC Türkiyənin dəstəyi ilə dünya səhnəsində öz layiqli yerini tutacaq”, - deyən Rəcəb Tayyib Ərdoğan Yunanıstan tərəfini tarixdən nəticə çıxarmağa və cinayətkar təşkilatlara arxalanmağa çalışmamağa çağırıb.

"Biz sülhü və kiprlilərin yeni nəsillərinin gələcəyini təhdid edən istənilən addımları qətiyyətlə pisləyirik. Adada vəziyyəti gərginləşdirən bəyanatlar və hərəkətlər konstruktiv yanaşmaya yer verməlidir. Biz tarixin faciəvi səhifələrinin təkrarlanmasına imkan verməyəcəyik. Türkiyə və ŞKTC artıq əvvəlki kimi deyil. Qlobal vəziyyət də dəyişir. Yunanıstan tərəfi bütün bunları nəzərə almalıdır”, - deyə Türkiyə lideri Kiprdəki vəziyyətin qarantlarından biri kimi Ankaranın hüquqlarını xatırladıb.

Türkiyə dövlətinin başçısı, həmçinin “TECHNOFEST-2025”in təşkilatçılarına və iştirakçılarına uğurlar arzulayıb və budəfəki festivalda 22 ölkədən 50 mindən çox insanın iştirak etdiyini bildirib.