Xəbərlər
11.04.2025, 20:42
SAMİR XANALİYEV : Elvin Eynalov-məqsəd,nəticə,uğur! - FOTOLAR
Elvin Eynalov-məqsəd,nəticə,uğur!
Elvin Eynalov Şamaxıda anadan olmuş,elə uşaq yaşlarından idmana böyük həvəs göstərmişdir.Elə bu həvəs onu məşqlərə,sonra isə böyük idman arenalarına gətirib çıxarmışdır.Elvin Eynalov 2015-ci ildə ADBTİA məzunu olmuşdur.Elvin bir çox Beynəlxaq yarışlarda qalibiyyət qazanaraq fəxri fərman,diplom və medallarla təltif olunmuşdur.O, üçqat Avropa və Dünya çempionu,Beynəlxalq turnilərin qalibi olmuşdur.2022-ci ildə Budapeştdə keçirilən Avropa çempionatının qızıl medal mükafatçısı olmuş,keçən il 2024-cü ildə də Qırğızıstanda keçirilən Dünya çempionatının qızıl medal mükafatçısı və yarışın mütləq çempionu adını qazanmışdır.Elvin Eynalov hal-hazırda Şamaxı Mərkəzi Stadionunun İdman zalında Poverlifinq idman növü üzrə məşqçi-müəllim kimi fəaliyyət göstərir.Qədim Şamaxı əzəldən şairlər,dahilər,pəhləvanlar,igidlər yurdu kimi tarixə düşərək Azərbaycanımızım gözəl guşələrindən olmuşdur.Bu gün də bu ənənə davam edir.Şamaxı yeniyetmələri, gəncləri də idmana böyük həvəs göstərərək məşqləri davam etdirirlər.Elvin Eynalov belə gənclərə düzgün istiqamət vererək onlarla idman növünün sirlərini öyrədir,yarışlara hazırlayır.Həmçinin İdman Akademiyası,Polis Akademiyası,DTX,DSX və diğər qurumların tədris ocaqlarında təhsil almaq istəyən gəncləri normativlərə uygun düzgün şəkildə hazırlaşdırır. Turaztv.az saytı olaraq gənc məşqçi-müəllim Elvin Eynalova uğurlar arzulayırıq.
Oxşar xəbərlər
Son xəbərlər
Ən çox oxunanlar
- Bu gün
- Bu həftə
- Bu ay
