Fransa prezidenti Emmanuel Makron ölkəsinin Ukraynaya əlavə iki milyard avro hərbi yardım edəcəyini bildirib.

"Turaztv.az" "Unikal"-a istinadən xəbər verir ki, bu barədə Yelisey sarayının rəsmi saytında qeyd olunub.


Makron Ukrayna prezidenti Volodimir Zelenski ilə Parisdə keçirdiyi birgə mətbuat konfransında Kiyevə əlavə yardımı açıqlayıb. Onun sözlərinə görə, Fransa Ukraynaya "Milan" tank əleyhinə raketləri, hava hücumundan müdafiə sistemləri, həmçinin "Mistral" yer-hava raketləri göndərəcək.

"Cəbhəni saxlamaq üçün Ukrayna həmçinin VAB zirehli texnikası, AMX10 tankları, eləcə də müxtəlif döyüş sursatları, o cümlədən idarə olunan pilotsuz təyyarələr alacaq", - Fransa lideri bildirib.