Yunanıstanın Halkidiki yarımadasının sahilində 5,3 maqnitudalı zəlzələ olub.

"Turaztv.az" “Report” -a istinadən xəbər verir ki, bu barədə Avropa – Aralıq dənizi Seysmoloji Mərkəzi bildirib.

Mərkəzin verilənlərinə əsasən, təbiət hadisəsinin ocağı 10 km dərinlikdə olub. Yeraltı təkanların episentri əhalisi 354 min olan Saloniki şəhərindən 64 km cənub-şərqdə olub.

Tələfat və dağıntı barədə hələlik məlumat yayılmayıb. Regionda sunami təhlükəsi elan edilməyib.

Xatırladaq ki, noyabrın 3-də İranda baş vermiş güclü zəlzələdə doqquz nəfər yaralanmışdı.

Daha əvvəl ABŞ-nin, Ficinin, həmçinin Rusiyanın sahillərində zəlzələlər qeydə alınmışdı.